میسر.. کوژرانی 16 کەس

قاهیرە

لە ئاکامی پەلامارێک بۆ سەر یانەیەکی شەوانە لە قاهیرەی پایتەختی میسر 16 کەس کوژران و یانەکە دەکەوێتە باشووری شارەکە و لە ناوچەیەکە بەناوی عەجووزە.

بەپێی روونکردنەوەیەکی وەزارەتی نێوخۆی میسر دوای بەگژیەکداچوونی دوو گەنج لەگەڵ ستافی یانەکە، گەنجەکان بە مۆڵۆتۆف هێرشیان کردۆتە سەر شوێنەکە. دوای تەقینەوەی مۆڵۆتۆف ئاگر کەوتۆتەوە و رووداوەکە ١٦ قوربانیی دوای خۆی جێهێشتووە.

وەزارەتی نێوخۆی وڵاتەکە روونی کردەوە کە سیمای دوو گەنجەکە لەلایەن پۆلیسەوە کێشراوە و گەڕان بەدوایاندا درێژەی هەیە.

جێی باسە لە ناوچەی عەجووزەی باشووری قاهیرە چەندین یانەی شەوانە هەن و بەهۆی پشووی هەفتەوە شەوانی هەینی گەنجێکی زۆر لەم یانانەدا کۆدەبنەوە.