نەوشیروان مستەفا کۆچی دوایی کرد

هەولێر - AA

بزووتنەوەی گۆڕان لە راگەیەندراوێکدا، کۆچی دوایی رێکخەری گشتیی بزووتنەوەی گۆڕانی راگەیاند.

راگەیەندراوەکە لەلایەن گوتەبێژی بزووتنەوەی گۆڕان، شۆڕش حاجی بڵاوکرایەوە کە ئەمە دەقەیەتی: "بەداخ و پەژارەیەکی زۆرەوە ئەمرۆ تێکۆشەری گەورە و سەرکردەی گەلەکەمان نەوشیروان مستەفا پاش ململانێیەکی زۆر لەگەل نەخۆشیدا لە کاتژمێر ٨ی بەیانی ئەمرۆ ١٩/٥/٢٠١٧ کۆچی دواییکرد".

لە بەشێکی دیکەی راگەیەندراوەکەدا هاتووە: "بزووتنەوەی گۆڕان وێرای سەرەخۆشی لە کەسوکاری و خۆمان و گەلەکەمان دوپاتی دەکاتەوە کە لەسەر رێباز و بەرنامەی ئەو سەرکردە مەزنە بەردەوام دەبێت بۆ خزمەتی کوردستان".