Sarmand Hameed
21 تشرینی یەکەم 2016•نوێکردنەوە: 21 تشرینی یەکەم 2016
کاتژمێر 3:30 ی بەیانی ئەمڕۆ گروپێک لە چەکدارانی داعش لە شاری کەرکووک هێرشیان کرد سەر چەند دامەزراوەیەکی حکومی لەشاری کەرکووک.
لیوا هەڵۆ نەجات، بەڕێوەبەری ئاسایشی کەرکووک بە ئاژانسی ئانادۆڵوی راگەیاند: "بەرەبەیانی ئەمڕۆ چەند چەکدارێکی داعش هێرشیان کردە سەر چەند ناوچەیەکی شاری کەرکووك".
بەڕێوەبەری ئاسایشی کەرکووک گوتیشی: "سەرەتا چەکدراەکان هێرشیان کردەوەتە سەر بنکەی ئاسایشی دۆمیز و دوای رووبەرووبوونەوەیەکی توند هێرشەکەیان تێکشکێندراوە".
پەیامنێری ئاژانسی ئانادۆڵۆ لە شاری کەرکووک لە زرای عەمید سەرحەد قادر بەرێوەبەری پۆلیسی قەزا و ناحییەکانی کەرکووکی گواستەوە و گوتی: "ژمارەیەک چەکدارای داعش هێرشیان کردووەتە سەر باڵەخانەی پێشوتری پۆلیسی کەرکووک و باڵەخانەیەکی تری نزیک لەو شوێنە".
لەبارەی چۆنیەتی هاتنی ئەو چەکدرانە بۆ ناو شاری کەرکووک، لیوا هەڵۆ نەجات،بەڕێوەبەری ئاسایشی کەرکووک گوتی: "پێ دەچێت ئەو چەکدارانە لەماوەی مانگی رابردوو لەگەڵ هاتنی ئاوارەکان لە باشووری شاری کەرکووکەوە دزەیان کردبێتە ناو شاری کەرکووک و لە شوێنی نهێنی خۆیان حەشاردابێت، هەروەها بە گوێرەی سیمای بەشێک لە چەکدارە کوژراوەکان بێت پێ دەچێت لە هێڵەکانی پێشەوە دزەیان کردبێتە ناو کەرکووک".
لەبارەی جۆنیەتی مانەوە و خۆحەشاردانیان، بەڕێوەبەری ئاسایشی کەرکووک گوتی:" بەدڵنیاییەوە لەلایەن کەسانێکەوە لەناو شاری کەرکووک هاوکاری کراون".
لیوا هەڵۆ نەجات،بەڕێوەبەری ئاسایشی کەرکووک بەبێ دیاریکردنی ژمارەی قوربانییەکان ئاماژەی بەوە کرد کە بەداخەوە ژمارەیەک لە هاووڵاتی و کارمەندانی هێزەکانی ئەمنی شەهید و برینداربوون.
بەڕێوەبەری ئاسایشی کەرکووک ئاماژەی بەوەیش کرد کە رەوشی ئەمنی شاری کەروکووک جێگیرە و لەچەند کاتژمێری کەمی داهاتوودا بەتەواوی رەوشەکە لەلایەن هێزەکانی ئەمنی شارەکە بە تەواوی کۆنتڕۆڵ دەکرێتەوە.
