"٤٨٤ ئێزدی وازیان لە پەكەكە هێنا"

نەینەوا ــ AA

فەرماندەی فەوجی هەشت لە فەرماندەیی هێزەكانی شنگال سەربە وەزارەتی پێشمەرگە، لوقمان گلی رایگەیاند كە ٤٨٤ چەكداری ئێزدی لە قەزای شنگال وازیان لە پەكەكە هێناوە و چوونەتە ریزی هێزەكانی پێشمەرگە.

لە لێدوانێكدا بۆ ئاژانسی ئانادۆڵو، لوقمان گلی گوتی: " لە ماوەی پێنج هەفتەی رابردوودا و لە كاتی رووداوەكەی خانەسۆر لە قەزای شنگال تاوەكو ئێستا، ٤٨٤ چەكداری ئێزدی وزاویان لە پەكەكە هێناو و هاتوونەتە ناو ریزەکانی پێشمەرگە".

لوقمان گلی گوتیشی: "ئەو چەكدارانە بۆ ماوەی دوو مانگ لەژێر سەرپەرشتی ئەفسەرانی وەزارەتی پێشمەرگە، بەشداریان پێ دەكرێت لە خولی مەشق و راهێنانی سەربازی بۆ ئەوەی پەرە بە تواناكانیان بدرێت".

ناوبراو بە دووریشی نەزانی كە لە ماوەكانی داهاتوودا، ژمارەیەک چەكداری دیكەی ئێزدی كە لە ئێستادا لەناو پەكەكەدان، واز لە پەكەكە بهێنن و پەیوەندی بە ریزەکای پێشمەرگەوە بکەن.