"پابەندین بە جێبەجێکردنی سێیەم یاسای ھەموارکراو بۆ یاسای ھەڵبژاردنەکان"

بەغدا ــ AA

ئەنجوومەنی باڵای دادوەریی لە عێراق رایگەیاند کە پابەندە بە جێبەجێکردنی سێیەم یاسای ھەموارکراو بۆ یاسای ھەڵبژاردنەکان کە تایبەتە بە ژماردنەوە و جیاکردنەوەی بەدەستی دەنگەکانی ھەڵبژاردنەکانی ئەنجوومەنی نوێنەران.

ھەفتەی رابردوو، ئەنجوومەنی نوێنەران بۆ سێیەمجار یاسای ھەڵبژاردنەکانی ھەموار کردەوە کە بە پێی ھەموارکردنەوەکە، ژماردن و جیاکردنەوەی دەنگەکانی ھەڵبژاردنەکانی ئەنجوومەنی نوێنەران کە لە ١٢ی مانگی رابردوو، بەڕێوەچوو، بە ئامێری ئەلیکترۆنی ھەڵوەشاندەوە، ھەروەھات بڕیاردرا کە دووبارە دەنگەکانی ھەڵبژاردنەکان بە دەست بژمێردرێنەوە و جیا بکرێنەوە.

لە بەیاننامەیەکدا، گوتەبێژی ئەنجوومەنی باڵای دادوەریی، عەبدولسەتار بەیرەقدار رایگەیاندووە "سەرۆکی ئەنجوومەنی باڵای دادوەیی، دادوەر فائیق زێدان لە کۆبوونەوەیەکدا، میکانیزمی جێبەجێبەکردنی سییەم یاسای ھەموارکراو بۆ یاسای ھەڵبژاردنەکانی ئەنجوومەنی نوێنەران ژمارە(٤٥) بۆ ساڵی ٢٠١٣ لەگەڵ ئەو دادوەرانەی کە ئەرکی ئەنجوومەنی کۆمیسیارانیان رادەپەڕێنن و بەڕێوەبەرانی نووسینگەکان لە کۆمیسیۆنی باڵای سەربەخۆی ھەڵبژاردن تاوتوێ کردووە".

عەبدولسەتار بەیرەقدار ئەوەشی خستەڕوو لە کۆبوونەوەکەدا، ئەنجوومەنی باڵای دادوەریی جەختی کردووەتەوە کە پابەندە بە جێبەجێکردنی سێیەم یاسای ھەموارکراو بۆ یاسای ھەڵبژاردنەکان، بۆ ئەوەی ھەم دادپەروەریی بەدی بھێنرێت و ھەمیش ھەموو لایەک دڵنیابن لە ئەنجامی ھەڵبژاردنەکان.