سوپای عێراق: "ئۆپەراسیۆنی سەپاندنی یاسا بەردەوامە"

هەولێر ــ AA

گوتەبێژی فەرماندەیی ئۆپەراسیۆنە هاوبەشەكانی عێراق، لیوا تەحسین خەفاجی رایگەیاند: "هێزە ئەمنییەكان لەو ئۆپەراسیۆنەی كە بە ئامانجی سەپاندنی یاسا، دەستگیركردنی كەسانی داواكراو و دەست بەسەرداگرتنی چەكی بێ مۆڵەت لە ژمارەیەك پارێزگای ئەنجامی دەدەن، بەردەوامن و ئاماژەی بەوەیش دەكات رەوشی ئەمنی ئەو ناوچانەی كە ئۆپەراسیۆنەكەیان تیایدا ئەنجامدراوە، سەقامگیر بووە".

لیوا تەحسین خەفاجی لە لێدوانێكی رۆژنامەوانییدا گوتی: "ئۆپەراسیۆنی سەپاندنی یاسا رەنگدانەوەی ئەرێنی لەسەر رەوشی ئەو ناوچانە هەبوو كە ئۆپەراسیۆنەكەیان تیایدا ئەنجامدراوە".

گوتیشی: "ئۆپەراسیۆنی سەپاندنی یاسا بەردەوامە بە ئامانجی دەست بەسەرداگرتنی چەكی بێ مۆڵەت و دەستگیركردنی ئەو كەسانەی كە داواكراون".

لە هەفتەی رابردووە، هێزەكانی سوپا و پۆلیسی عێراق، زنجیرەیەك ئۆپەراسیۆنیان بە ئامانجی دەست بەسەرداگرتنی چەكی بێ مۆلەت و دەستگیركردنی كەسانی داواكراو لە ژمارەیەك پارێزگای ئەو وڵاتە ئەنجام دەدەن.