سوپای عێراق دەستگیرکردنی چوار تیرۆریستی راگەیاند

ھەولێر ــ AA

سوپای عێراق دەستگیرکردنی چوار تیرۆریستی لە پارێزگاکانی بەغدا، ئەنبار و کەرکووک راگەیاند.

گوتەبێژی فەرماندەی گشتیی ھێزە چەکدارەکانی عێراق، لیوا یەحیا رەسوڵ لە راگەیەندراوێکدا ئاماژەی بەوەداوە کە ھێزەکانی دژەتیرۆر بە ھەماھەنگیی لەگەڵ ھێزەکانی دەزگای ھەواڵگریی نیشتمانیی، زنجیرەیەک ئۆپەراسیۆنیان لە قەزای تارمییە باکووری پارێزگای بەغدا، ھەروەھا لە پارێزگاکانی ئەنبار و کەرکووک ئەنجامداوە.

بەپێی راگەیەندراوەکە لە میانی ئۆپەراسیۆنەکاندا، چوار تیرۆریست دەستگیرکراون.