عێراق و ئێران ڕێککەوتننامەی ئەمنی ھاوبەشی نێوانیان تاوتوێ کرد

ھەولێر ــ AA

ڕاوێژکاری ئاسایشی نەتەوەیی عێراق قاسم ئەعرەجی و جێگری وەزیری دەرەوەی ئێران بۆ کاروباری سیاسی، مەجید تەخت ڕەوانچی کۆبوونەوە.

نووسینگەی ڕاگەیاندنی ڕاوێژکاری ئاسایشی نەتەوەیی عێراق لە ڕاگەیاندراوێکدا ئاماژەی بەوەداوە کە قاسم ئەعرەجی پێشوازی لە مەجید تەخت ڕەوانچی کرد.

ڕاشیگەیاندووە کە لە دیدارەکەدا، پێشھاتە ئەمنی و ئاڵنگارییەکانی سەر ئاستی ھەرێمیی تاوتوێ کراوە، ھەروەھا جێبەجێکردنی خاڵەکانی ناو ڕێککەوتننامە ئەمینییە ھاوبەشەکەی نێوان عێراق و ئێران، خراوەتە بەرباس.

باسی لەوەش کردووە کە لە دیدارەکەدا، جەخت کراوەتەوە لەسەر گرنگی پەرپێدان بە پەیوەندی ستراتیژیی نێوان عێراق و ئێران.