په‌رله‌مانی كوردستان بۆ ئێزدییه‌كان كۆده‌بێته‌وه‌

هه‌ولێر - AA
په‌رله‌مانی كوردستان ده‌یه‌وێت رۆژێك بۆ كۆمه‌ڵكوژییه‌كانی دژبه‌ ئێزیدییه‌كان كه‌ له‌سه‌ر ده‌ستی داعش به‌ڕێوه‌چوو له‌ 2014 دیاری بكات كه‌ سێی ئابه‌.
سه‌رۆكی په‌رله‌مانی كوردستان، بانگهێشتی گشت ئه‌ندامانی په‌رله‌مان ده‌كات بۆ ئاماده‌بوون له‌ دانیشتنی ژماره‌ (2)ی نائاسایی، ساڵی یه‌كه‌م له‌ خولى هه‌ڵبژاردنی پێنجه‌مى په‌رله‌مان له‌ كاتژمێر 11ى پێشنیوه‌ڕۆی رۆژی پێنجشه‌مه‌ 2019/8/1، ئه‌مه‌ به‌پێی راگه‌یه‌نراوێك كه‌ ئه‌مڕۆ سه‌رۆكایه‌تی په‌رله‌مانی كوردستان بڵاویكرده‌وه‌ و ئه‌مه‌ش ده‌قی بانگهێشته‌كه‌یه‌:
بانگهێشت بۆ گشت ئه‌ندامه‌ به‌ڕێزه‌كانی په‌رله‌مانی كوردستان
پشتبه‌ستن به‌ حوكمی بڕگه‌ى یه‌كه‌م له‌ مادده‌ى (8)ى په‌یڕه‌وی ناوخۆی په‌رله‌مانی كوردستانی-عێراق، بڕیارماندا بانگهێشتی گشت ئه‌ندامه‌ به‌ڕێزه‌كانی په‌رله‌مان بكه‌ین بۆ دانیشـتنی ژماره‌ (2)ى نائاسایى، ســـاڵی یه‌كه‌م له‌ خولی هه‌ڵبژاردنی پێنجه‌می په‌رله‌مانی كوردستان-عیراق، له‌كاتژمێر (11)ی پێشنیوه‌رۆى رۆژی پێنجشه‌ممه‌ رێكه‌وتی 2019/8/1، تكایه‌ له‌كاتـی دیـاریكراودا ئاماده‌بن.
له‌گه‌ڵ رێزدا..
د.رێواز فائق حسێن