تورکیا رۆژنامەنووسێک بریندارکرا

نووسەری رۆژنامەی حوڕییەت ئەحمەد هاکان بە هۆی پەلامارێک لەبەردەرگای ماڵی خۆی لە شارۆچکەی شیشلی سەر بە پارێزگای ئیستانبوڵ، بریندار بوو.

بەگوێرەی زانیارییەکان، دوای ئەوەی ئەحمەد هاکان لە پرۆگرامێکی تەلەڤیزیۆنی"CNN Türk" دەگەڕێتەوە، لەبەردەم ماڵەکەی چوار کەسی نەناسراو لە ئۆتۆمبێلێک دێنەخوارەوە و پەلاماری دەدەن.

بەهۆی پەلامارەکەوەش ئەحمەد هاکان بریندار دەبێت، دواتر دەگەیەنرێتە نەخۆشخانەی ئەمریکی لە ئیستانبوڵ.

لە ئێستاشدا هێزەکانی ئاسایش سەرقاڵی گەڕانن بەدوای ئەنجامدەری پەلامارەکە.