جۆرجیا.. پاپا فرانسیس بەشداری بۆنەیەکی ئاینی دەکات

بە دەیان هەزار کەس کە لە نێوانیاندا سەرکۆماری جۆرجیا جۆرجی مارگڤێلاشڤیلی بەدیدەکرا بەشداریان لە مەراسیمێکی ئاینی پاپا کرد کە لە یاریگای نێودەوڵەتی میخائیل مێشی لە تبلیسی پایتەختی ئەو وڵاتە بەڕێوەچوو.

لە مەراسیمەکە پاپا فرانسیس زۆر سوپاسی بەشداربووانی کرد بەتایبەتی ئامادەبوونی بەرپرسە کریستیانە ئۆرتەدۆکسەکانی جۆرجیای بەرز نرخاند.

مەراسیمەکە کە نزیکەی سێ کاتژمێری خایاند، پاپا باسی لە ناهەقی و نادادپەروەریانە کرد کە لە ئێستادا لە جیهان روودەدەن و داوایشی لە هەموو لایەک کرد بە گوێرەی توانا یارمەتی لێقەوماوان بدرێت.