هەنگوێنی سروشتی بەدلیس کاتی کۆکردنەوەیەتی

بەدلیس - AA

هەنگوێنی چیاکانی شارۆچکەی هیزان لە بەدلیس کە سێ هەزار مەتر بەرزیەکەیەتی لە ئێستادا کاتی کۆکردنەوەیەتی.

ئەو هەنگوێنە کە بە شێوەیەکی سروشتی بەرهەم دێت و ماددەی پرۆلین (یەکێک لە ماددەکانی ئەمینۆئەسیدی پێکهێنەری پرۆتینی)ی بەرێژەیەکی بەرچاو تێدایە، دوای ئاستەنگیەکی زۆر کۆدەکرێتەوە.

هەر بە هۆی ئەوەی کە بە شێوەیەکی زەحمەت بەردەست دەکەوێت و کۆدەکرێتەوە و بە هەنگوێنی کێوی ناوبانگی دەرکردووە نرخی یەک کیلۆی ١٥٠-٣٠٠ لیرە دەبێت (٤٠-٨٠) دۆلار.

سەرۆکی یەکێتی بەرهەمهێنەرانی هەنگوێنی هیزان، سەیتخان ئەکینجی لە لێدوانێکدا بۆ پەیامنێری ئاژانسی ئانادۆڵو ئاماژەی بەوەدا کە هەنگوێنەکان لە شاخی سەمسان کە سێ هەزار مەتر بەرزە لێدەکرێنەوە دوای زەحمەتیەکی زۆر.

ئەو باس لەوە دەکات بێ ئەوەی دەستی تێکەڵ بکرێت بە شێوەیەکی سروشتی بەرهەم دێت و بۆن و بەرام و تامێکی تەواو جیاوازی هەیە و لە وەرزی پاییزدا کۆدەکرێتەوە لە شوێنە زۆر بەرزەکان.

هاوکات باس لەوەش دەکات کە هیچ ماددەیەکی کیميایی تێدا نییە.