Панелот „Глобалниот банкарски систем и иднината на банките во Турција и на Балканот“ се одржа во Скопје

СКОПЈЕ (АА) - Меѓународниот балкански универзитет (ИБУ) во Скопјe организираше панел на тема „Глобалниот банкарски систем и иднината на банките во Турција и на Балканот“, известува Анадолу.

Претставници на турските институции и организации во земјата, членови на одборот на ИБУ, академици, претставници на Халкбанк, студенти и голем број гости присуствуваа на програмата што се одржа во кампусот на ИБУ.

На присутните им се обрати и Осман Арслан, генерален директор на Халкбанк.

Арслан, во својата изјава за новинарите пред програмата, рече дека на панелот ќе зборуваат за банкарскиот и финансискиот систем во светот.

Истакнувајќи дека со младите ќе зборуваат за финансиите, земајќи ги предвид фазите низ кои поминал турскиот банкарски сектор, генералниот директор на Халкбанк изјави:

„Споделувајќи ги нашите искуства со младите, имаме намера да отвориме визија за нив.“

- „Халкбанк работи со 45 филијали во Северна Македонија“

Нагласувајќи дека во Северна Македонија достигнале биланс на состојба што надминува 1,5 милијарди евра и ги прошириле своите активности со 700 вработени, Арслан вели:

„Халкбанк работи со 45 филијали во Северна Македонија и е меѓу четирите најдобри банки во банкарскиот сектор во земјава. Кога ги гледаме комерцијалните кредити, таа е втора најголема банка. Многу сме задоволни од нашите активности тука, особено од поддршката на инвестициите направени од турски бизнисмени во Северна Македонија и во исто време интензивно соработуваме и со локалните компании во земјата.“

Ректорот на ИБУ, проф. д-р Љутфи Сунар, во своето обраќање истакна дека Халкбанк дава значаен придонес во економијата на земјите во регионот и додаде:

„И ние имаме корист од нивните услуги и поддршка. Халкбанк нè поддржа да формираме добра универзитетска библиотека. Библиотеката работи и нашите студенти имаат корист од неа“, рече ректорот Сунар.