Албајрак во Давос: „Основата на турската економија е цврста"

ДАВОС (АА) - Турскиот министер за трезор и финансии, Берат Албајрак, кој присуствува на 49. Светски економски форум во Давос, Швајцарија, се состана со челниците на меѓународните компании и финансиски институции, при што истакна дека основата на турската економија е цврста, јавува Anadolu Agency (AA).

Албајрак рече дека се задоволни од интересот на меѓународните компании за инвестирање во Турција. Додаде дека со потенцијалните инвеститори е разговарано за новата економска програма на Турција, како и за чекорите кои ќе бидат преземени во следниот период.

Турскиот министер порача дека странските инвеститори кои вложуваат во Турција секогаш биле и ќе бидат во добивка.

На овогодишниот Форум во Давос присуствуваат над 3.000 претприемачи, политичари, академски работници и претставници на владиниот сектор од 110 земји.

Во текот на Форумот ќе бидат организирани над 350 сесии.