Германската Влада очекува најдлабока рецесија по Втората светска војна

БЕРЛИН (АА) - Германскиот министер за економија и енергетика, Петер Алтмајер, денес изјави дека епидемијата на новиот вид коронавирус ќе ја повлече германската економија во најдлабока рецесија од Втората светска војна, пренесува Агенција Анадолија (AA).

„Ќе ја доживееме најлошата рецесија во историјата на сојузната република“, изјави германскиот министер за економија и енергетика.

Напомена дека германската економија се соочува со интензивни внатрешни и надворешни шокови.

Според него, германската Влада очекува пад на БДП од 6,3 отсто со ефект на мерките преземени да се спречи намалувањето на извозот и ширењето на епидемијата.

Алтмајер рече дека економијата следната година ќе порасне за 5,2 отсто.

„Ако чекор по чекор и пропорционално ги отстрануваме економските и социјалните ограничувања, во вториот дел од годината полека можеме да започнеме со закрепнувањето“, рече германскиот министер.