Канада од денес воведува царини од 25 отсто за увозот од САД

ВАШИНГТОН (АА) - Канада од денес воведува царини од 25 отсто за американските стоки, изјави премиерот Џастин Трудо, јавува Анадолу.

„Канада нема да дозволи оваа неоправдана одлука да остане без одговор“, рече Трудо вчера во изјавата откако американскиот претседател Доналд Трамп рече дека претходно одложените царини за увоз од Канада и Мексико ќе започнат во вторник.

„Доколку американските царини стапат на сила вечерва, Канада, утре во 12:01 часот, ќе одговори со царини од 25 отсто за американските стоки од 155 милијарди долари – почнувајќи веднаш со царини за стоки во вредност од 30 милијарди долари и царини за преостанатите 125 милијарди долари за американски производи за 21 ден“, истакна Трудо.

Царините на Канада ќе останат на сила додека не се повлече американскиот трговски потег, рече тој, додавајќи дека „доколку американските царини не се укинат, ние сме во активни и тековни разговори со провинциите и териториите за спроведување неколку нетарифни мерки“.