Производните цени во Германија во април забележаа нов рекорд по порастот на цените на енергијата

АНКАРА (АА) - Производните цени во Германија во април забележаа нов рекорд по порастот на цените на енергијата, соопшти денеска канцеларијата за статистика на оваа европска земја, јавува Агенција Анадолија (АА).

„Индексот на производните цени на индустриските производи во април порасна за 33,5 отсто на годишно ниво, што е најголемиот пораст досега забележен во земјата“, наведува „Дестатис“.

Сред војната помеѓу Русија и Украина, индексот порасна за 2,8 отсто на месечно ниво.

Цените на енергенсите пораснаа за 87,3 отсто во однос на претходната година и за 2,5 отсто во однос на март.

Индексите на цените на производителите на индустриски производи претставуваат важни економски индикатори кои не можат да се користат како мерка на инфлација, како дефлатори на временски серии, особено за потребите на националните сметки и индустрија и како средство за приспособување на цените при склучување на разни купопродажни договори.