Elena Trenchevska Chekovic
18 Ноември 2025•Ажурирај: 19 Ноември 2025
СКОПЈЕ (АА) - Раселените Палестинци кои живеат во импровизиран шаторски камп во населбата Зејтун во градот Газа се обидуваат да преживеат покрај огромното блиско разурнување и влошените зимски услови, јавува Анадолу.
Една од најголемите населби во северна Газа, Зејтун, е во урнатини по израелските напади пред повлекувањето на војската, принудувајќи стотици семејства да се засолнат во несоодветни шатори во близина на брегот.
Како што се приближува зимата, тенките платна обезбедуваат мала заштита од дождот и невремето.
Фадл ал-Мухадин Авад Азам, еден од раселените жители, рече дека нешто со себе.
Тој додаде дека шаторот што им го дале дури и не ги заштитил од дождот.
Друга млада жителка на кампот рече дека кога пристигнале во Зејтун, областа била целосно уништена.
„Едноставно тука не може да се живее. Добивме шатор во четвртокот, а до саботата, по само два дена, дождот го урна. Водата протекуваше директно врз нас, па дури и земјата под нас се претвори во кал. Ветерот постојано го кинеше шаторот, а ние ја поминавме цела ноќ обидувајќи се да спречиме водата целосно да навлезе“, рече таа.
Властите велат дека Израел го крши протоколот за хуманитарната помош од договорот за прекин на огнот постигнат минатиот месец со блокирање на влезот на материјали за засолништа, како што се шатори и мобилни контејнери.
Првата фаза од договорот за прекин на огнот, заснована врз планот од 20 точки на американскиот претседател Доналд Трамп, вклучува ослободување на израелски заложници во замена за палестински затвореници. Планот, исто така, предвидува обновување на Газа и воспоставување нов управувачки механизам без Хамас.
Израел уби повеќе од 69.000 Палестинци, повеќето од нив жени и деца, во Газа од октомври 2023 година и ја претвори во урнатини.
