Во Турција аплицирани над 59 милиони дози од вакцините против Ковид-19

АНКАРА (АА) - Министерот за здравство на Република Турција, Фахретин Коџа, соопшти дека во земјата аплицирани се над 59 милиони дози од вакцините во рамките на борбата против коронавирусот, пренесува Агенција Анадолија (АА).

„Надминавме 59 милиони дози. Како што бројот на милионите дози расте, толку поблиску сме до имунитетот“, напиша Коџа на социјалната мрежа Твитер.

Најновите податоци од Министерството за здравство покажуваат дека во Турција до денес, (13 јули) во 13:29 часот по локално време, аплицирани се 59.135.870 дози вакцини. Прва доза примиле 38.104.116 лица, втора доза 17.833.075, додека трета доза примиле 3.198.679 лица.