Турски воен авион со медицинска помош пристигна во Италија

АНКАРА (АА) - Турски воен авион со медицинска помош, која ќе се користи во борбата против Ковид-19, пристигна во Италија, соопшти Министерството за одбрана на Република Турција, пренесува Агенција Анадолија (АА).

„Авионот на Турските вооружени сили со медицинска помош, кој во рамките на борбата против Ковид-19 е испратен во Италија, слета во градот Рим“, се наведува во соопштението на Министерството објавено на Твитер.

Турското Министерство, во рамките на борбата против Ковид-19, во Шпанија и Италија испрати помош во медицинска опрема која се состои од маски, заштитна облека, антибактериска течност, произведени во локални и национални капацитети.