УЕФА за среда најави состанок со челниците на сите 55 национални фудбалски федерации

ИСТАНБУЛ

Европската фудбалска организација (УЕФА) во среда ќе одржи состанок со раководителите на националните фудбалски федерации на сите 55 земји-членки, јавува Агенција Анадолија (АА).

Од УЕФА, европската куќа на фудбалот соопштија дека состанокот на 1 април ќе биде одржан преку видео линк.

Во соопштението се наведува дека челниците на УЕФА одржале состанок пред две недели и дека сакаат да ги разгледаат сите идеи и ставови во врска со продолжувањето на фудбалските натпревари кои се запрени поради глобалната пандемија на Ковид-19.

На состанокот ќе се разговара за термините за продолжување на купските и репрезентативни натпревари во Европа кои што сега се суспендирани.

Исто така ќе се зборува и за договорите кои фудбалерите и тренерите ги имаат со клубовите, како и за трансферите во наредниот период.