„НАТО сојузот е подготвен за евентуални напади со балистички проектили“

СЕУЛ (АА) - Генералниот секретар на НАТО, Јенс Столтенберг, истакна дека НАТО сојузот е подготвен против евентуални напади со балистички проектил од каде и да доаѓаат тие, јавува Anadolu Agency (AA).

„Одлучни сме да спречиме и да одговориме на секаков напад. НАТО сојузот е подготвен за нападите со балистички проектили, од каде и да доаѓаат тие“, рече на прес-конференција Столтенберг, кој се наоѓа во посета на Јужна Кореја.

Тој истакна дека Северна Кореја развива балистички проектили кои можат да ги погодат Северна Америка и Европа, и посочи дека НАТО сојузот е фокусиран на примена на дипломатски, економски и политички санкции против Северна Кореја.

Во меѓувреме, на состанокот меѓу Столтенберг и јужнокорејската министерка за надворешни работи, Кан Ќунг-ва беше потпишана нова програма за партнерство.