САД и Русија постигнаа договор за примирје на југозападот на Сирија

ХАМБУРГ (AA) - САД и Русија постигнаа договор за примирје на Југозападот на Сирија, јавува Anadolu Agency (AA).

Според наводите на Associated Press (AP), повикувајќи се на неименувани американски функционери, САД и Русија на Самитот Г20 во Хамбург постигнаа договор за примирје.

Примирјето, наводно, ќе стапи на сила на 9. јули во попладневните часови.

Овој договор е нов обид со цел завршување на војната во Сирија.

Во мај оваа година, Турција, Русија и Иран потпишаа протокол за формирање на „зона без судири" во Сирија.