Сириската војска изведува жестоки напади врз селата на Туркменската Планина и Акард

ХАТАЈ (АА) - Сириската војска и денес продолжува со жестоките артилериски напади врз бунтовничките упоришта на подрачјето на Туркменската Планина и Џабел Акард на периферијата на Латакија, јавува Anadolu Agency (AA).

Неименувани локални извори за АА јавуваат дека подрачјето на таа планина која ја контролираат силите на сириската опозиција и денес е мета на жестоки артилериски напади на силите лојални на режимот на претседателот Башар ал-Асад.

Средиште на најжестоките напади се селата Јамади и Караман на Туркменската Планина како и селата Ет Туфахије и Кбиени на планината Акард.

Бидејќи станува збор за пораничен појас во северозападниот дел на Сирија, густиот чад од овој регион и силните експлозии се гледаат и слушаат и од турскиот пограничен град Јајладаги.

Силите на сирискиот режим вчера се обидоа со копнена офанзива да ги пробијат позициите во тој регион, но беа сопрени во намерата.