„Кулата од черепи“ во Мексико открива нови детали за Ацтеките

МЕКСИКО СИТИ (АА) - Археолозите во Мексико неодамна открија објект со цилиндрична форма во чии ѕидини се вградени речиси 700 човечки черепи, а станува збор за археолошко откритие кое наметнува нови прашања за културата на цивилизацијата на Ацтеките во тоа подрачје, јавува Anadolu Agency (AA).

Таканаречената „кула од черепи“ е пронајдена во непосредна близина на храмот „Templo Mayor“, еден од најголемите храмови во престолнината на Ацтеките Теночтитлан, денешен Мексико Сити.

Археолозите сметаат дека станува збор за черепи на Ацтеките-воини, а и самите археолози се изненадени од фактот дека не станува збор само за черепи на мажи, туку и на жени и деца.

Тоа е првиот знак дека во тоа време во борбите учествувале и жени и деца.