Компјутерот на „Епл“ од 70-тите на аукција на 24 август

БОСТОН (АА) - Компјутерот под име „Епл 1“, кој во периодот 1976-1977 година го произведуваа Стив Возњак, Стив Џобс и Роналд Вејн, коосновачи на „Епл“, ќе биде на аукција, известува Анадолу.

Аукциската куќа „РР Оукшен“ во Бостон објави дека компјутерот, кој во 1980 година е продаден за околу 666 долари, има вградена тастатура и специјално произведено куќиште.

Претходно оваа година почнаа да пристигнуваат првите понуди за компјутерот што ќе биде на аукција на 24 август.

Се очекува „Епл 1“ да биде продаден за околу 200.000 долари на аукција.

Покрај „Епл 1“, на продажба е ставен и чекот потпишан од Џобс и Возњак на 19 март 1976 година.

Пријавено е дека цената на чекот е испишана за компанијата „Рамлор“, производител на компјутерски плочи, од приближно 117 долари, во првите понуди ја надминала вредноста од 50.000 долари.

Стив Возњак, Стив Џобс и Роналд Вејн на 1 април 1976 година ја основаа светски познатата компанија „Епл“ во гаража во Калифорнија.

За да го финансираат производството, Џобс го продал своето комбе „фолксваген мајкробус“, додека Возњак за 500 долари го продал својот дигитрон ХП-65.