ДИЈАРБАКИР (АА) – Научници и студенти од Одделот за биологија при Факултетот за природни науки на Универзитетот „Дикле“ во југоисточниот турски град Дијарбакир спроведуваат истражувања со скорпии во лабораториски услови, со цел унапредување на академските и применетите научни студии, јавува Анадолу.
Истражувањата се реализираат со поддршка на Абдулах Фидантер, кој одгледува скорпии во специјализиран објект што го основал во Дијарбакир. Тој обезбедува живи и мртви примероци за потребите на научните анализи и експериментите на факултетот.
Фидантер, кој има долгогодишно искуство во одгледување скорпии, соработува со академскиот кадар и ги споделува своите знаења за процесот на „молзење“ на скорпии и екстракција на отров, техника што е од особено значење за биолошките, фармацевтските и козметичките истражувања.
Покрај тоа, тој планира да понуди можности за стручна практика во својот објект за студентите кои сакаат да градат кариера во козметичката и фармацевтската индустрија.
