„Mоќниот и легитимен одговор ќе го натера Израел да зажали“, изјави иранскиот претседател Пезешкијан

ИСТАНБУЛ (АА) - Иранскиот претседател Масуд Пезешкијан вети дека ќе го натера Израел „да се покае за својот глупав чин“, осврнувајќи се на неговиот воен напад врз Иран рано утринава, јавува Анадолу.

„Легитимниот и моќен одговор на Исламската Република Иран ќе го натера непријателот да се покае за својот глупав чин“, рече Пезешкијан на X.

„Ги повикуваме нашите луѓе да им веруваат на своите лидери и да застанат покрај нив. Иранскиот народ и официјалните лица нема да молчат пред ова злосторство“, рече претседателот.

Според официјалната новинска агенција ИРНА, одржан е вонреден состанок на кабинетот со учество на претседателот.

Рано утринава Израел започна широка воена операција против Иран, со 200 авиони насочени кон неговата нуклеарна програма и ракетните капацитети со долг дострел.

Во нападот беа убиени неколкумина високи воени функционери и нуклеарни научници.