„Епл ќе инвестира стотици милијарди долари во САД“, соопшти Трамп

ВАШИНГТОН (АА) - Претседателот на САД, Доналд Трамп, изјави дека се сретнал со Тим Кук, извршниот директор на Епл, и дека компанијата ќе инвестира „стотици милијарди долари“, известува Анадолу.

Трамп соопшти дека вчера се сретнал со Кук на состанок организиран од Здружението на републикански гувернери.

Информирајќи дека Кук ќе инвестира „стотици милијарди долари“, Трамп посочи дека повеќе компании планираат да инвестираат во САД.

„Доаѓаат многу производители на чипови, доаѓаат многу производители на автомобили. Ја запреа работата на две фабрики во Мексико. Наместо тоа, ќе градат овде бидејќи не сакаат да ги плаќаат таксите. Таксите се одлични“, рече Трамп.