Хамас со израелската делегација разменил листи на затвореници што треба да се ослободат

ИСТАНБУЛ (АА) - Хамас денес соопшти дека со израелската делегација разменил листи на палестински затвореници што треба да се ослободат, додека преговорите за прекин на огнот во Газа продолжуваат во египетскиот Шарм ел-Шеик, јавува Анадолу.

„Денес беа разменети листи на затвореници што треба да се ослободат во согласност со договорените критериуми и бројки“, објави Тахер ал-Нуну, советник за медиуми на шефот на Политичкото биро на Хамас, на Телеграм, без да даде дополнителни детали.

Преговорите „се фокусираа на механизмите за ставање крај на војната, повлекување на окупаторските сили од Газа и размена на затвореници“, додаде тој.

Индиректните преговори меѓу Хамас и Израел започнаа во египетскиот град во понеделникот со цел постигнување напредок во планот за прекин на огнот во Газа од 20 точки што го претстави американскиот претседател Доналд Трамп.

Планот вклучува ослободување на израелските заробеници во замена за палестински затвореници, крај на војната што однесе повеќе од 67.000 палестински животи од октомври 2023 година, управување со Газа преку палестински комитет и обнова на енклавата.