„Њујорк тајмс“ тврди дека Франција го изградила Париз со данокот земен од Хаити

АНКАРА (АА) - Весникот „Њујорк тајмс“ тврди дека Франција го направила структурното планирање на главниот град Париз, вклучувајќи ја и Ајфеловата кула, со данокот собран од Хаити, пренесува Агенција Анадолија (АА).

Во сеопфатната вест на „Њујорк тајмс“ со наслов „Откуп“ (Ransom), се тврди дека француската банка „Crédit Industriel et Commercial (CIC)“, која ја финансираше изградбата на Ајфеловата кула, добила пари од Хаити како „цена за независност“.

Во вестите се наведува дека се следени исплатите на Хаити кон Франција во текот на 64 години и дека станува збор за исплати до денес во вредност од приближно 560 милиони долари.

Меѓу другото, во веста се нагласува дека Хаити, која е една од најсиромашните земји во светот, ќе беше во многу поинаква ситуација денес доколку Французите не бараа пари под закана за војна, откако ја прогласија својата независност пред повеќе од два века.

Се нагласува дека „Crédit Industriel et Commercial (CIC)“ префрлила милиони долари од касата на Хаити во Франција кон крајот на 19 и почетокот на 20 век.

Исто така во веста се додава дека уништени се речиси сите архиви на банката од колонијалниот период.

Се подвлекува дека банката што се наоѓа во центарот на наводите ќе започне да истражува за ова прашање.

Веста е објавена на англиски, француски и на хаитски.

Ненси Рок, позната новинарка од Хаити, потенцирајќи дека веста е објавена и на хаитски јазик, рече: „Најголемата услуга што можете да ја направите за Хаити денес е да ја прочитате истражувачката вест.“