Австралискиот суд го казни Гугл со 515.000 долари поради клевета на поранешен политичар

ИСТАНБУЛ (АА) - Судот во Австралија му наложи на Гугл да плати 515.000 американски долари за клевета на поранешен пратеник, пренесува Агенција Анадолија (АА).

Џон Бариларо бараше отштета за две видеа на платформата Јутуб за кои рече дека го трауматизирале и го принудиле да се повлече од политиката порано од очекуваното.

Тој, исто така, поднесе тужба за клевета против коментаторот Џордан Шанкс поради видеоснимките во кои тој го нарекува со презиме и го поврзува со италијанската мафија.

„Однесувањето на Гугл во овој случај беше несоодветно и неоправдано“, објави австралискиот „Ес-би-ес њуз“ (SBS News), повикувајќи се на пресудата на судијата Стивен Рарес.

Судијата рече дека неуспехот на компанијата „значително го нарушил угледот на Бариларо и ги повредил неговите чувства“.

Бариларо, поранешен заменик-премиер на најнаселената австралиска држава Нов Јужен Велс, рече дека „се чувствува ослободен“ по пресудата и дека сè што сака од Гугл е извинување и отстранување на видеата.