Азербејџанската Армија продолжува да им нанесува загуби на ерменските сили

БАКУ

Азербејџанската Армија им нанесе загуби на ерменските сили, кои во текот на ноќта стрелале врз азербејџанските војници и населбите во различни области на фронтот, и покрај примирјето, пренесува Агенција Анадолија (АА).

Во соопштението на Министерството за одбрана на Азербејџан се наведува дека судирите продолжиле главно во линијата на фронтот во Хоџавенд, Фузули и Губадли.

Во различни делови на линијата на фронтот уништени се 2 тенка „Т-72“, ​​2 ракетни системи „Град“, 14 различни типови топови, неколку воени станици и 6 автомобили кои ѝ припаѓаа на ерменската Армија, а голем број војници се неутрализирани.

Исто така, според соопштението, линијата на фронтот е под контрола на азербејџанската Армија.