Американскиот државен секретар Помпео се состана со саудискиот принц

ИСТАНБУЛ (АА) - Американскиот државен секретар Мајк Помпео се состана со саудискиот принц Мухамед бин Селман во северозападниот саудиски град Неом, кои дискутираа за последните случувања во регионот и билатералните односи, јави официјалната Саудиска новинска агенција (SPA), пренесува Агенција Анадолија (АА).

Не се дадени понатамошни детали за средбата.

На состанокот, исто така, присуствуваа министерот за надворешни работи на Саудиска Арабија, Фаисал бин Фархан и американскиот амбасадор во Ријад, Џон Абизаид.

Посетата на Помпео на Кралството е дел од неговата турнеја низ седум држави која започна минатата недела во Франција.