Болница во Њујорк отпушти медицинска сестра бидејќи го споменала геноцидот во Газа на доделување награди

ВАШИНГТОН (АА) - Медицинскиот центар „Лангоне“ при Универзитетот во Њујорк отпушти медицинска сестра поради тоа што се осврнала на „геноцидот“ во Газа за време на говорот при доделување награда претходно овој месец, јавува Анадолу.

Хесен Џабр, акушерка, Американка со палестинско потекло, на Инстаграм рече дека на 7 мај одржала говор при добивањето награда за нејзината работа со мајките кои ги изгубиле своите бебиња за време на бременоста и породувањето.

„На 22 мај пристигнав на работа, прва смена откако ја добив наградата. Веднаш штом стапнав на одделението, бев одвлечена на состанок со претседателот и заменик-претседателот за медицински сестри во 'Лангоне' на разговор за тоа како сум изложила други на ризик, сум ја уништила церемонијата и сум ги навредила луѓето затоа што мал дел од мојот говор беше почит кон ужалените мајки во мојата земја“, рече Џабр.

Таа истакна дека била вратена во нејзината смена додека болницата го поминала денот „размислувајќи“ што да прави со неа.

„Откако работев речиси цела смена, повторно ме повикаа во канцеларија каде што ми беше прочитано писмото за отказ од директорот за човечки ресурси, Остин Бендер, а полицаец во цивилна облека ме изведе од објектот“, напиша таа.

„Не сте луди и ништо не пропуштате... Ова е парадоксот, медицинскиот центар Лангоне“, додаде таа.

Во нејзиниот говор во видеото објавено на нејзиниот инстаграм-профил таа вели: „Ме боли да гледам како жените од мојата земја поминуваат низ незамисливи загуби за време на тековниот геноцид во Газа“.

Според Фокс њуз, портпаролот на Медицинскиот центар „Лангоне“ при Универзитетот во Њујорк, Стив Рите, потврдил дека работниот однос на Џабр е прекинат по нејзиниот говор.