Бригадите Ал Касам: Запленето е израелско беспилотно летало во северниот дел на Газа

ГАЗА (АА) - Военото крило на Хамас, Бригадите Ал Касам, соопшти дека во северниот дел на Газа запленило беспилотно летало на Израел, пренесува Анадолу.

Во соопштението на Бригадите Ал Касам се вели дека во Бејт Ханун, кој се наоѓа во северниот дел на Газа, е запленето израелско беспилотно летало кое служело за разузнавачки цели.

Од друга страна, военото крило на движењето Исламски џихад, Бригадите Ал Кудс, соопшти дека од утринските часови се водат судири со израелските сили кои влегле во источните и северните делови на градот Хан Јунис во јужниот дел на Газа.

Меѓу другото, военото крило на Демократскиот народен ослободителен фронт на Палестина, Националните бригади на отпорот, нагласи дека водат жестоки судири со израелските сили во централните делови на Хан Јунис.

Националните бригади на отпорот исто така соопштија дека таргетирано е и едно воено возило на Израел.