Брисел: Неутрализирано лицето кое носеше појас со експлозив

БРИСЕЛ (AA) - Полицијата ја евакуираше Централната станица во Брисел по дојавата за експлозија, јавува Anadolu Agency (AA).

Локалните медиуми наведуваат дека лицето кое носело појас со експлозив наводно е "неутрализирано" во рамките на станицата.

Полицијата наведе дека се работи за "помала експлозија" во станицата.

Освен железничката станица, евакуирано е и подрачјето околу градскиот плоштад "La Grande Place".

Белгиската полиција соопшти дека состојбата е под контрола.

Потсетуваме, во нападите во март 2016 година на аеродромите и метро станицата во Брисел, загинаа 32 лица. Одговорност за нападите презеде терористичката организација ДЕАШ.