Бројот на загинати во земјотресот во Авганистан надмина 4.000

АНКАРА (АА) - Бројот на загинати и повредени во минатонеделниот земјотрес што го погоди северозападен Авганистан надмина 4.000, јавува Анадолу.

На прес-конференцијата во Кабул, Мула Џанан Саик, портпаролот на Министерството за управување со катастрофи, рече дека околу 2.000 куќи во 20 села во областите Зинда Јан и Гориан биле уништени во земјотресот.

Саик рече дека Министерството се бори да ги собере точните бројки на загинати и повредени додека спасувачите се обидуваат да ги извлечат луѓето заробени под урнатините.

Тој ја повика меѓународната заедница да му помогне на Кабул да одговори на штетите предизвикани од земјотресот.

Во саботата, земјотрес со јачина од 6,2 степени според Рихтеровата скала погоди две области во северозападната провинција Херат во близина на границата со Иран.