Бројот на загинати Палестинци во израелските напади врз Газа надмина 19.400

ГАЗА (АА) – Најмалку 19.453 Палестинци загинаа во израелските напади врз Појасот Газа од 7 октомври, соопшти денеска Министерството за здравство, јавува Анадолу.

Портпаролот на Министерството, Ашраф ал-Кудра, на прес-конференција истакна дека во израелските напади повредени се и 52.286 Палестинци.

Израел го бомбардира Појасот Газа од воздух и од копно, воведе опсада и започна копнена офанзива како одмазда за прекуграничниот напад на Хамас на 7 октомври.

Се смета дека речиси 1.200 Израелци се загинати во нападот на Хамас, додека околу 130 заложници остануваат во заробеништво во Газа.