Бројот на убиени Палестинци во израелските напади во Газа од 7 октомври порасна на 27.585

АНКАРА (АА) - Бројот на загинати Палестинци во смртоносната офанзива на Израел против Појасот Газа се искачи на 27.585 од 7 октомври, соопшти Министерството за здравство во Газа, пренесува Анадолу.

Министерството за здравство ја даде изјавата додека израелскиот смртоносен напад врз Газа влегува во својот 123. ден.

Во соопштението се истакнува дека 66.978 лица се повредени во тековните офанзиви.

Во соопштението се вели дека во изминатите 24 часа израелската армија извршила 12 масакри низ Појасот Газа во кои загинале 107 лица, а 143 се повредени.

„Многу луѓе сѐ уште се заробени под урнатините и на патиштата, а спасувачите не можат да стигнат до нив“, се додава во соопштението.

Израел го нападна Појасот Газа по прекуграничниот напад на палестинската група Хамас во октомври.

Според Обединетите нации, околу 85 отсто од жителите на Газа се раселени поради израелскиот напад, а има недостиг на храна. Стотици илјади луѓе живеат без засолниште, а помалку од половина од камионите со хуманитарна помош влегуваат на територијата отколку пред почетокот на конфликтот.