Во израелските напади до започнувањето на хуманитарната пауза убиени се над 14.800 лица

ГАЗА (АА) - Во израелските напади на Појасот Газа до започнувањето на хуманитарната пауза убиени се повеќе од 14.854 лица, соопшти синоќа владината Канцеларија за медиуми во блокираната палестинска енклава, известува Анадолу.

„Меѓу загинатите 6.150 се деца, повеќе од 4.000 се жени, а над 36.000 се ранети“, се вели во соопштението.

Околу 7.000 луѓе се водат за исчезнати, од кои повеќе од 4.700 се деца, се истакнува во соопштението.

Израел спроведува немилосрдни воздушни и копнени напади на Појасот Газа со неселективно бомбардирање на цивилни населби, станбени објекти, џамии, цркви и болници по неочекуваниот напад од страна на Хамас на 7 октомври.

Според службеното соопштение на израелските власти, во Израел има 1.200 загинати.

Цел на израелските напади беа три цркви, уништени се 88 џамии, а 174 се делумно оштетени.