Во невремето во Грција страдаа две лица, исчезна бебе

КОМОТИНИ

Најмалку две лица смртно страдаа во силното невреме кое го зафати грчкиот полуостров Еубеја (Евиа), пренесува Агенција Анадолија (АА).

Локалните медиуми наведуваат дека силното невреме почнало во утринските часови. Се излеа реката Масапиту и поплави многу куќи и деловни објекти во регионите Псахна, Политика и Лефканда.

На тоа подрачје се испратени спасувачки екипи. Пронајдени се тела на 86 годишно машко лице и 85 годишна жена. Исчезна осумесечно бебе.

На југот на полуостровот во куќите се заглавени голем број лица, затворени се патиштата, а причинета е материјална штета на куќите, автомобилите и деловните објекти.

Од Цивилната заштита на Грција е наведено дека во регионот ќе продолжат лошите временски услови, а граѓаните ги предупредија да преземат мерки на заштита.