Голем собир на љубители на Веспа се одржа во Џакарта

ЏАКАРТА (АА) - Сопствениците на веспи од цела Индонезија и од странство се собраа денес во главниот град Џакарт за да учествуваат на „Jakarta Mods Mayday“ (JMM) 2025, годишен настан што ја слави културата на скутерите и заедништвото, известува Анадолу.

Настанот го организираше продуцентската куќа „Warriors Jakarta Production“, а според проценките, на настанот имало околу 5.000 учесници, кои во група возеле низ главните улици на Џакарта.

Освен што претставува прослава на љубовта кон Веспа и ретро стилот, JMM 2025 има и пошироко значење, бидејќи се очекува позитивно да придонесе за туризмот и развојот на креативната економија на индонезиската престолнина.

Индонезија со децении е дом на една од најголемите заедници на Веспа во Југоисточна Азија. Културата на возење на овој легендарен скутер датира од 1960-тите, а сега постојат клубови за Веспа во речиси секоја провинција. Тие служат не само како места за собирање, туку и како културни движења кои ги промовираат вредностите на братството, слободата и винтиџ стилот.

На настанот присуствуваа не само ентузијасти од пошироката околина на Џакарта, туку и гости од други делови на Индонезија и од странство, вклучувајќи ги Сингапур, Малезија и Јапонија.