Burç Eruygur
14 Декември 2022•Ажурирај: 14 Декември 2022
ИСТАНБУЛ (АА) - Две административни згради се оштетени од остатоците на беспилотни летала од иранско производство, кои беа соборени над главниот град на Украина, Киев, соопштија властите денеска, пренесува Агенција Анадолија (АА).
„Вкупно 10 беспилотни летала „Шахед“ се уништени од украинските сили“, соопшти преку Телеграм Градската воена управа на Киев.
„Според прелиминарните информации, остатоците од дроновите оштетиле две административни згради во областа Шевченковски. Се проверуваат информациите за жртвите“, се додава.
Во соопштението се вели дека предупредувањата за воздушни напади се активирани во Киев и во соседниот регион Житомир и се повикуваат цивилите да се засолнат.
Москва и Техеран негираат дека Русија користи ирански беспилотни летала во нападите врз Украина.
Киев и неговите сојузници, предводени од САД, ги отфрлија нивните тврдења и воведоа санкции за руски и ирански официјални претставници за набавка и употреба на ирански беспилотни летала.
Украина вчера соопшти дека му предала на Техеран нови докази за иранските беспилотни летала користени во руските напади.
