Деведесет отсто од Германците признаваат дека во земјата има расизам

БЕРЛИН (АА) - Германската министерка за семејство, Лиса Паус, истакна дека 90 отсто од граѓаните кои живеат во земјата, прифаќаат дека во земјата има расизам, пренесува Агенција Анадолија (АА).

Министерката Лиса Паус ги објави резултатите од истражувањето спроведено од институцијата „Национално следење на дискриминацијата и расизмот“ во Берлин изведено со 5.000 луѓе.

Посочувајќи дека расизмот им штети на основните уставни вредности во Германија, Паус додаде: „Според резултатите од истражувањето, 90 отсто од луѓето кои живеат во Германија, прифаќаат дека во земјата има расизам. Без разлика дали сакаме или не, расизмот е насекаде и нѐ погодува сите нас. Има дури и луѓе кои ги загубија животите како резултат на расизмот.“

Истражувањето откри дека 22 отсто од луѓето кои живеат во Германија, барем еднаш доживеале расизам.

Во студијата се истакнува дека антимуслиманскиот расизам ги конструира и исклучува муслиманките како „интегрирано“ малцинство во западните општества.

Фокусирањето на верската припадност во Германија е резултат на промената на перцепцијата, така што, групите население кои претходно се сметаа за „гастарбајтери“ или „странци“ сѐ повеќе се толкуваат како муслимани.

Во студијата се забележува дека да се биде муслиман се перципира како проблем или дури и опасност сама по себе. Исто така, се нагласува дека верската припадност е расистичка.

Повеќе од една четвртина од населението, според студијата, го дели мислењето дека нееднаквоста меѓу социјалните групи е легитимна.

Директните искуства со расизмот стануваат сѐ почести кај помладите членови на расистичките групи.

Се наведува дека речиси никој не се сомнева во постоењето на расизам во Германија.