Руските сили украле 400.000 тони жито од Украина

АНКАРА (АА) - Руските сили украле 400.000 тони жито од четирите украински региони што ги окупираа, објавија локалните медиуми, пренесува Агенција Анадолија (АА).

„Тие украдоа 100.000 тони жито од секој окупиран регион - Запорожје, Керсон, Доњецк, Луганск“, истакна Тарас Висоцки, првиот заменик-министер за аграрна политика и храна на Украина, според весникот „Украинска правда“.

„Тоа изнесува една третина од сите резерви во овие региони“, истакна тој.

„Ако вака продолжи и ако Русите го одземат она што останало во регионите од храна, пред новата жетва, постои ризик од глад“, се предупредува.

Најмалку 3.238 цивили загинаа, а 3.397 се повредени во Украина откако Русија ја започна војната против земјата на 24 февруари, според проценките на ОН. Се стравува дека вистинската бројка е многу поголема.

Повеќе од 5,7 милиони луѓе побегнале во други земји, а околу 7,7 милиони се внатрешно раселени, покажуваат податоците на Агенцијата за бегалци на ОН.