Експлодира цистерна за течен нафтен гас на автопатот А1 во Италија

ТЕАНО (АА) - Автопатот А1 во Италија е затворен за сообраќај по пожарот и експлозијата на цистерна за течен нафтен гас во близина на градот Теано, известува Анадолу.

Италијанските противпожарни служби објавија дека пожар избувнал во цистерната за течен нафтен гас по судирот во кој учествувале тешки возила, а цистерната експлодирала откако биле евакуирани околното подрачје и две места за одмор на автопатот.

Сообраќајот на лентата на автопатот што води кон Рим беше запрен, предизвикувајќи големи прекини во областа.