ЕУ: Подготвени сме за помош по земјотресот во Егејското Море

БРИСЕЛ (АА) - Претседателот на Европскиот совет, Шарлс Мишел, истакна дека ги следат настаните по земјотресот во Егејското Море, и дека се подготвени за помош, пренесува Агенција Анадолија (АА).

Мишел го соопшти ова преку објава на социјалните мрежи.

„Одблизу ги следиме настаните во врска со силниот земјотрес што се случи во Егејското Море, на отворени води кај Грција и Турција“, напиша Мишел.

Тој нагласи дека неговото срце е заедно со лицата погодени од земјотресот, и додаде: „ЕУ е подготвена да обезбеди помош“.