Затворени сите училишта во нигериската држава Џигава поради безбедносни проблеми

АБУЏА (АА) - Прекината е работата на сите училишта во нигериската држава Џигава поради зголемените безбедносни проблеми, известува Агенција Анадолија (АА).

Во писменото соопштение што го издаде државниот комесар за образование на државата Џигава, д-р Лован Јунуса Данзомо, се наведува дека неодамнешното зголемување на нападите низ земјата е загрижувачко.

Данзомо информира дека поради безбедносни проблеми, сите училишта во државата ќе останат затворени до наредното известување.

Од друга страна, затворањето на училиштата за време на испитниот рок предизвика вознемиреност кај учениците и родителите.

Во Абуџа, главниот град на Нигерија, минатиот месец беше прекината наставата во сите државни училишта поради заканата од напади на вооружени банди.