Зеленски го отвори најголемиот мост во Украина изграден од турска компанија

Украинскиот претседател Владимир Зеленски го отвори најголемиот мост во Украина што беше изграден од страна на турска компанија, пренесува Агенција Анадолија (АА).

Информацијата преку соопштение ја потврди Амбасадата на Турција во Киев.

Во соопштението се наведува дека најголемиот модерен мост на Украина бил изграден од страна на турската компанија „Онур Иншаат“.

Во ова соопштение се вели дека украинскиот претседател ја извршил инаугурацијата на мостот.

Мостот се наоѓа во градот Запорожје, а неговиот прв дел беше отворен во 2020 година. Зеленски тогаш упати благодарност до турската компанија што навреме завршиле со работата на проектот на мостот, кој е долг 9 километри.